السؤال

نا كان عندى استشارة نفسية صغيرة وكنت حابة تساعدنى فيها. انا متجوزة من حوالى سنة واتجوزت عن حب وانا بحب جوزى اوى وكان عندى اخ وحيد وتوفى من حوالى 7 سنين غريق فى اسكندرية وهوه اكبر منى بسنتين وكان جالى اكتئاب بعدها او حاجة شبيهة بكده ...

انا معرفش لانى ماروحتش لدكتور بس كان عندى نظرة تشائمية للدنيا وكوابيس واكتر من محاولة انتحار وفشلت....بس الحمدلله بعدها بقيت احسن وندمت واستغفرت ربنا على اللى كنت بحاول اعمله

المهم انى اتخطبت لجوزى حاليا ونظرتى للحياة اتغيرت تماما وهوه كمان ساعدنى كتير اوى على انى الم لم نفسى بعد وفاة اخويا وكان دايماا يقولى انا اللى هحميكى وانا جمبك....الحقيقة انا

كنت بستريح لما بلاقيه جمبى ومش محسسنى باى حاجة ناقصانى انا مقدرة اللى هوه عمله علشانى
المشكلة هيا انى اعتبرته عوض ليا او سند وبقى يلعب دور الزوج والاخ وجوزى طبعه انه بيحب السفر وانا لظروف حملى الثانى انى لازم اريح ومعملش مجهود خالص علشان يكمل على خير وده بعد اجهاض فى الحمل الاول

فطبعاا بعمل كل حاجة علشان احافظ على حملى الثانى
جوزى نفسه يسافر يصيف مع اهله ويبات عند اهله فى البلد ولو ليلة واحدة بسبب انه زهقان من ضغط الشغل وعايز يغيير لكن لظروفى مش هقدر اسافر معاه مع العلم انى عايشة مع اهلى فى البيت لحد مانستلم شقتنا

ومش قادرة استحمل فكرة انه يسافر لوحده ولو لليلة واحدة رغم انه ساعات لظروف شغله بيضطر يبات فيها بره البيت يوم فى الاسبوع بس ببقى اليوم ده بموت ومتضايقة اوى كذا مرة يفاتحنى فى موضوع سفره وبياته بره البيت وهوه مش مستحمل خالص وبيقولى انى خانقااه

انا مش عارفه اعمل ايه ؟؟؟بحاول اشغل نفسى عنه باى حاجة بس هوه محور حياتى وكمان لانى مبشتغلش الفترة دى لظروف حملى فا معنديش حاجة تشغلنى عنه
واسفة على الاطالة وجزاك الله خيرا

الجواب

الأخت الفاضلة :

تحية طيبة مباركة من عند الله . السلام عليك ورحمة الله .

بداية أشكرك على ثقتك وإحساسك الطيب ومحاولتك واستشعارك الواعي بما أنت فيه وبحثك وإرادتك في الخروج منها.

أما عن تحليلي لموقفك فيتخلص في أنك كنت في أزمة نفسيه وضيق وألم شديدين ناشئ عن فقدانك المفاجئ لأخيك . وقد ترتب علي ذلك مشاعر نفسيه سالبة من خوف وقلق وتوتر وعدم شعور بالأمان وحاولت نتيجة لذلك الألم والخوف وفقدان الأمن وشيء من الاكتئاب الشديد أن تتحري وتتخلصي من حياتك. وظلت هذه المشاعر كامنة فيك بعد تجاوزك لهذه الفترة حتى جاء الخطيب وسادت بينكما روح من الألفة والمحبة نمت وتطورت بعد الزواج وتوثقت بحسن المعاملة والإنجاب .

المشكلة هنا أنك أصبحت مرتبطة لا شعوريا بهذا الزوج وصار هناك ارتباط شرطي لا شعوري بين إحساسك بالأمان ووجود الزوج معك أو بجانبك. بلا شك هو الأقل ارتباط غير صحي أو مرضي خاصة أن ظروف الزوج لا تسمح بالتواجد المستمر معك. الحل إذن ممكن بلا شك ويتلخص في:

أن تتخلصي من هذا الارتباط الشرطي عن طريق أن يكون هناك ارتباط شرطي مقابل. بمعنى أن تتدربي تدريجيا علي الشعور بالأمان من خلال وجود متغيرات أخرى متاحة ويمكنك الاستعانة بها بالتبادل أو حسب الظروف الممكنة وابدئي بأحب الأشياء إليك وأكثرها أمانا ومروغبية واستعيني بها وقدمي تدعيمات شرطية إيجابية تساعد على تحقيق هذا الهدف.(وافرأي إن شئت أو ارجعي إلى التجربة الشهيرة لخوف الطفل البرت أولا ثم حبه للفأر الأبيض) .

حاولي ذلك مرات واستعيني بالصبر والإرادة وليكن الإيمان والصلاة والدعاء من أشد الأمور قربا وتدعيما .
وتأكدي أن الله سيكون معك وفي عونك ,وفقك الله وأعانك ووهبك الأمن والإيمان وحسن الطمأنينة والمودة في حياتك والزوجية منها خاصة.

وتقبلي خالص الود والدعاء والتقدير والاحترام .